🇨🇦溫哥華🇨🇦 《每日分享一間餐廳直到冇貨為止》 99. Nero Tondo Google Review 4.9分，米芝蓮推介好似好正咁😆所以老公生日一家人去食。 老實講係幾好食，但其實就係將好新鮮嘅蔬菜用好特別嘅烹調手法整到好fancy😂 Owners 同Servers服務態度都好好，好熱情介紹每碟菜。如果鐘意食菜同海鮮嘅朋友可以試下，去之前睇下Menu, 因為係farm to table所以會成日轉Menu. 到訪次數：1次 地址：1879 Powell St, Vancouver, BC V5L 1H8 #加拿大 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 98. The Story Cafe - Eatery & Bar 應該住係Richmond 又鐘意食Brunch嘅朋友都去過！？食過Chicken Waffle, Bennies 同埋Carbonara, 覺得係一般cafe standard, 雞炸得脆但比較"鞋". 咖啡就還好。有機會再試多啲其他食物。 到訪次數：2次 地址：2800 Sexsmith Rd, Richmond, BC V6X 1V5 #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 97. Starlight Kitchen 星悦餐廳 呢間係令溫哥華焗豬扒飯關注組組長 aka 我老公念念不忘嘅焗豬扒飯😂 佢叫過一次外賣之後指定要返去堂食。我試完之後都覺得係好食嘅，如果Peaches 嘅焗豬扒飯8.5/10, 咁呢間都有8/10. 個汁偏甜少少，飯有炒底，豬扒炸得好香，淋完汁仲有少少脆，厚薄啱啱好，好淋，而且已經切好咗一條條。 嗰日仲叫多個楊州炒飯，炒得都好香但好多青豆😅另外就係杯凍檸茶爭少少，冇咩茶味。 鐘意食焗豬扒飯又經過可以去試下！ 到訪次數：2次 地址：2257 Kingsway, Vancouver, BC V5N 5M9 #加拿大 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 96. Small Victory 連鎖式嘅coffee shop嚟講，Small Victory我覺得係做得幾好！好似無論咩時候去，去到邊間分店都係好多人。 咖啡好飲，pastry種類好多，而且都好食！ 個人特別鐘意佢嘅Quiche, Croissant同Cookies. 到訪次數：10+次 地址：（圖）388 W 6th Ave, Vancouver, BC V5Y 1L1 #加拿大 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 95. Nero Belgian Waffle 曾經好鐘意嘅Waffle, 食飽飯都要返個Waffle先返屋企。 Waffle好香牛油味，甜品可以揀Brussels or Liege Waffle, 我覺得揀朱古力可以配Brussels, 水果就揀Liege. 到訪次數：8+次 地址：1002 Seymour St, Vancouver, BC V6B 3M6, 1703 Robson St, Vancouver, BC V6G 1C8, 2861 Granville St, Vancouver, BC V6H 3J4 #加拿大 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 94. Joe Fortes Seafood & Chop House 溫哥華老牌西餐廳，餐廳裡外裝修都係好復古。 食物都唔錯，Calamari, Crab Cake都好食。 Happy Hour嘅生蠔係好抵呀，但我預唔啱時間就未試過。 到訪次數：2次 地址：777 Thurlow St, Vancouver, BC V6E 3V5 #加拿大 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 93. Buttermere Patisserie Buttermere is back!! 一直都好鐘意佢地嘅蛋糕，店主早幾年休息去旅行，所以冇做蛋糕一排，最近佢終於又再接溫哥華嘅order喇🥹 有幾款新蛋糕之外，仲有返佢signature嘅兩款流心蛋糕！我地訂咗最鐘意嘅Volcano! 係黑芝麻海棉蛋糕，配斑蘭流心，再加甜爆谷同Charcoal sesame脆粒，成件事係好夾，而且唔會好甜，口感好豐富🤭 抹茶lava cake之前食過都，好香濃嘅抹茶味，有機會會再訂同埋試啲新蛋糕！ 留意返佢地冇實體店，只可以online order再去pick up point 自取/加錢送貨。 到訪次數：8+次 地址：958 Main St, Vancouver, BC V6A 2W1 (pick up point) #加拿大 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 92. Wild Blue Restaurant + Bar 係Whistler評價好高嘅餐廳，我覺得都值得一去。 海鮮意粉好足料，有象拔蚌同蜆，好鮮味。 龍蝦汁+蕃茄煮嘅意粉都好食，隻麵好掛汁。 Octopus就一般，反而啲伴碟嘅chicken peas 我覺得好好食😂 到訪次數：1次 地址：4005 Whistler Way, Whistler, BC V8B 1J1 #加拿大 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 91. 有米 YOUNMI Rice Noodle 琴日試咗最近新開好多人講嘅有米！ 我地四個人叫咗三款唔同湯底，港式酸辣/經典酸辣（少辣）/蕃茄湯。港式酸辣同經典酸辣係滿意嘅，朋友話蕃茄湯底唔夠濃。港式酸辣比經典酸辣再辣啲，多咗啲醋同酸菜味。 我自己點咗腩肉/魚腐/冬菇/ 炸醬肉碎加埋個少辣嘅經典酸辣湯底，份量好夠，啲餸我覺得合格嘅。同行嘅朋友都覺得唔錯，可以一試。 到訪次數：1次 地址：3779 Sexsmith Rd #2132, Richmond, BC V6X 3Z9 #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 90. Bacchus Restaurant & Lounge 係Wedgewood Hotel入面嘅餐廳，環境好靚好古典歐洲風。食物中上，係好食嘅，但唔明點解Ravioli要加青豆😑 然後竟然食到人生Brussels Sprouts! 唔知佢點解可以整到咁好食🥹絶對會為咗佢個Brussles Sprouts 再返去！ 到訪次數：1次 地址：845 Hornby St, Vancouver, BC V6Z 1V1 #加拿大 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 89. Fei mei tasty foods 推薦肥妹私房手撕雞，黑松露手撕雞都好食！ 雞好滑，個醬汁都好味唔會太鹹🤭 試過叫魚香茄子，好食不過有點太油。 到訪次數：5次 地址：8888 Odlin Crescent 2nd floor, Richmond, BC V6X 3Z8 #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 88. CHICHA San Chen 吃茶三千 其中一間最愛嘅bubble tea! 原因係我覺得佢係廢水入面比較冇咁廢😂 鐘意佢用鮮奶，茶底好香，芋丸/珍珠每次都煮得啱啱好。 最愛Taro Queen, 有芋泥又有芋丸，加埋奶茶成件事好夾！ 溫哥華嘅吃茶三千全年都有Taro系列，但原來香港唔係成日有，兩個星期前返香港嗰陣，排咗10分鐘去到落單先發現冇Taro🥲 到訪次數：10+次 地址：6386 Number 3 Rd #157, Richmond, BC V6Y 2B5 4501 Kingsway #101, Burnaby, BC V5H 4V8 #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 87. Moncton Pizzeria 位於Steveston Moncton Street嘅Pizza Shop, 好鐘意睇住佢有好大個火爐即燒個Pizza. 佢個crust嘅厚薄度係我地最鐘意嘅。 Peperroni, Mushroom呢啲味就次次都會叫。 試過叫啲特別少少嘅口味，例如Macaroni & Cheese, Potato等等，都好好食呀。 最好係佢可以per slice咁點，每個人都可以食到自己想食嘅口味🤭 到訪次數：10+次 地址：3680 Moncton St, Richmond, BC V7E 3A4 #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 86. Marugame Udon 每次去BC place 睇波前/後都食嘅餐廳！ 主打一個快字😆食物都還可以啦，烏冬係算煙韌，牛肉就係普通肥牛。各種炸物自己揀，有蝦，磨菇，墨魚，獅子狗卷，餃子，原條脆肉瓜等等，唔好expect好好食但快餐嚟講算唔錯啦！ 到訪次數：3次 地址：589 Beatty St, Vancouver, BC V6B 6A3 #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 85. Good Thief Anh and Chi 嘅Sister shop, 真係開係隔離😆 食物我覺得係有驚喜，尤其係appertisers! 生蠔配上好輕型嘅coconut foam, 隻蠔好爽又更鮮甜。 Spotprawn 配Burrata+pineapple sorbet, 好特別。Wagyu Beef Tartare有少少辣，但各樣配料加埋都好食。反而Prawn Cake 有啲滯，我覺得一般。 Octopus太重煙薰嘅濃味，無我想像中咁好食。Halibut我都覺得一般，但因為唔辣所以小朋友都鐘意食。 最後係個Crab Garlic Noodles, 真係啖啖蟹肉（雖然食到少許蟹殼😆），好似一個喇沙醬蟹肉撈油麵嘅感覺😂因為我鐘意食濃味嘢，所以覺得幾好食！ 個咖啡cake + 煉奶moouse嘅甜品本身驚好甜，但食落又唔錯喎。 有機會我會再同朋友去🤭 到訪次數：1次 地址：3336 Main St, Vancouver, BC V5V 3M7 #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 84. Mamalee Malaysian Delight 海南雞我首選係Mamalee, 我鐘意佢切到細細舊，啲肉好滑又完全冇骨！好多青瓜片鋪係底，吸晒啲汁好好食。堂食試過喇沙同咖哩就覺得還好，無特別想再去，但海南雞就係每次經過都會外賣加餸。 到訪次數：10+次 地址：3144 W Broadway, Vancouver, BC V6K 2H3 #加拿大 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 83. Elysium Korean Bistro and Restaurant 係食街嘅韓國餐廳，一直以為佢係韓燒，但原來係廚房燒好攞出嚟😅味道都可以嘅。 推薦韓式五花肉同海鮮煎餅。 到訪次數：2次 地址：8400 Alexandra Rd #100, Richmond, BC V6X 1C3 #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 82. Little Karp Seafood & Bar 又一間temporarily closed嘅餐廳，明明不久前先去過，只怪我太慢未寫到佢就已經關門😮‍💨 食物唔錯，但性價比太低，呢個價錢，係Vancouver可以食到米芝蓮級數。 到訪次數：3次 地址：8631 Alexandra Rd #110, Richmond, BC V6X 1C3 #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 81. Bruno 無論係營業時間定Menu都成日轉嘅餐廳，啱啱google 直頭見佢temporaily closed🙈不過都係想寫下。 去過食Brunch, Lunch, Dinner同Buffet, 其實食物唔差，值唔值就見人見智，但每次去都無咩人。早兩個月食過佢嘅lunch覺得幾抵幾好食，想介紹下，點知最近已經無咗🤷🏻‍♀️ 到訪次數：6次 地址：8499 Bridgeport Rd, Richmond, BC V6X 1R7 #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 80. Thai Affair Rolled Gelato 係Kitsilano Beach嘅Food Truck, 應該淨係Summer先開。 係我食過最好食嘅Rolled Gelato. 完全唔係人造味，睇住佢用鮮奶，加材料即刻新鮮整！真係好好食，又唔會太甜🤭 如果大家見到佢開咗，麻煩話聲比我知丫🙇🏻‍♀️ 到訪次數：5+次 地址：1499 Arbutus St, Vancouver, BC V6J 5N2 #加拿大 #溫哥華美食 #不專業分享