🇨🇦溫哥華🇨🇦 《每日分享一間餐廳直到冇貨為止》 139. The Viet Noodle Guy 好耐冇去Burnaby食呢間越南嘢，咁耐冇去味道依然好好！特別係個燒雞扒/豬扒飯，我地覺得係咁多間越南餐廳入面最好食，煎到好香嘅肉加埋太陽蛋，係好perfect嘅碟頭飯🤭 仲有order咗牛肉湯河同雞肉湯河，牛肉/雞肉都嫩滑，湯底清甜，不過暫時覺得都係Pho 37 同Anh and Chi 嘅湯底最啱口味！ 春卷同雞翼炸得好脆夠乾身，雞翼比小朋友秒清，要再加單！仲有個越南咖啡我都覺得非常唔錯！ 如果想食記得預時間，通常都要排隊。 到訪次數：5+次 地址：1902 Rosser Ave, Burnaby, BC V5C 0E3 #加拿大 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》之分享Richmond睇波好去處⚽️ 138. The Canadian Brewhouse & Grill (Richmond) 介紹多間睇波好地方，就係另一間連鎖式嘅餐廳/Pub, 最好係連小朋友都去得！Creamy Grilled Chicken Alfredo Pizza, Honey Garlic Chicken Wings好好食，大人小朋友都食得好開心！ 周圍都好多部電視，真係無死角，坐邊都睇到，而且氣氛好好，餐廳職員會係適當嘅時候撳紅燈敲鐘搞氣氛！ 英格蘭vs 墨西哥嗰場嗌到聲沙😆 到訪次數：1次 地址：4755 McClelland Rd Unit 1305, Richmond, BC V6X 0M5 #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》之分享Richmond睇波好去處⚽️ 137. Seven 10 Kitchen + Bar at Splitsville 啱啱過去嘅星期六10am去到，雖然有加拿大隊踢16強，但可能係朝早嘅關係，一開波得兩枱客。 Nachos, 雞翼，薯條都係睇波必備 😆食物水準可接受，主要係有個大型幕可以同朋友一路睇波一路食嘢！隔離有Arcade同Bowling, 睇完波可以去玩！ 到訪次數：1次 地址：14200 Entertainment Blvd, Richmond, BC V6W 1A8

🇨🇦溫哥華🇨🇦 《每日分享一間餐廳直到冇貨為止》 136. Penny Penny Coffee 好開心試到間好有驚喜嘅Cafe!! 食物種類雖然唔多，但睇得出好用心，試咗Egg Sando, 蛋好滑配埋個少少辣嘅sauce, 好好味！ 仲有Mushroom Toast 同 Avocado Toast. Mushroom Toast搽咗比cream cheese 更香滑嘅mascarpone做底，上面有炒到好香嘅磨菇+ cheese. 我個仔出名係picky-eater, 都食咗大半塊。 Avocado Toast 就簡單直接，就係Avocado slice + Balsamic + Olive oil + Basil. 我鐘意咁樣嘅味道多過mashed avocado加一啲唔知咩嘅香料。 嘢飲叫咗Hojicha Latte, Hot chocolate 同我覺得好特別嘅Milo Latte! 全部都好飲，因為太飽所以冇試到Matcha系列嘅嘢，我好快會再去試🤭 到訪次數：1次 地址：2285 W 41st Ave, Vancouver, BC V6M 2A3

🇨🇦溫哥華🇨🇦 《每日分享一間餐廳直到冇貨為止》 135. Cantonese BBQ 廣東燒臘 係加拿大咁耐第一次食呢間廣東燒臘，聞說有好多老華僑好鐘意去。 叫咗叉燒，燒鴨，豉油雞，啲肉全部都好淋，淋到有點唔真實。唯一覺得唔錯嘅係叉燒，肥瘦剛好。但燒鴨，豉油雞就麻麻，燒鴨啲皮完全唔脆。 請問除咗明家，大溫地區有冇好食嘅燒味？ 到訪次數：1次 地址：8838 Capstan Wy #1438, Richmond, BC V6X 4A7 #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 134. Van Tea Cafe 佰薈餐廳 呢間係好多時朋友聚會嘅選擇，有龍蝦/蟹套餐，仲有好多款小菜。 豉油雞係每次都會order, 沙嗲肥牛粉絲煲，蝦醬火腩椰菜花，都係用煲仔上，做得好食！ 秘制醬汁蟹/龍蝦個汁都好惹味，有啲似咖哩+喇沙嘅味道，辣辣地，但小朋友唔啱食所以呢幾次都冇叫到。奶油/頭抽/薑蔥龍蝦+伊麵都試過，首選係秘制汁或者奶油，頭抽太鹹，薑蔥我覺得普通。 早餐，午餐都食過，我就覺得還好，唔算好特別，但晚餐嘅餸就好啱我口味。 到訪次數：10+次 地址：9020 Capstan Wy #150, Richmond, BC V6X 3V9 #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 133. A.BENTO 呢間台灣餐廳之前去過幾次都覺得唔錯，隔咗成年再去就覺得麻麻地🤔 鹽酥雞好鹹，炸魷魚鬚又冇咩味，雞扒好少少但炸得唔夠脆又有點油。 牛肉炒刀削麵反而okay, 睇落好似乾炒牛河但隻麵係幾有口感嘅。 唔知係嗰日失準定點，反正Richmond都有幾間好好食嘅台灣嘢，暫時應該唔會再去呢間喇。 到訪次數：4次 地址：656 W Broadway, Vancouver, BC V5Z 1L3 #加拿大 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 132. Bun Cha Ca Hoang Yen 皇燕 好耐之前試過佢個蟹糕麵，覺得唔係好特別，上星期再去又覺得幾好喎！無印象中咁鹹，而且我地鐘意佢隻麵，好似米線咁好滑易入口。 今次試埋佢個特別魚蛋湯米，魚片魚蛋唔似港式嗰啲咁彈牙，加埋個湯都okay, 但我覺得唔一定要試。 香茅豬扒就正常發揮，份量都足料。另外都點咗雞翼同魷魚，炸得唔夠乾身但好香牛油味。 到訪次數：2次 地址：5155 Victoria Dr, Vancouver, BC V5P 3V1 #加拿大 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 131. Amigo Restaurant 雅谷餐廳 Richmond老牌茶餐廳，記得三四年前仲未有咁多茶餐廳選擇嘅時候成日都要排隊。 服務態度，食物水準都比同level嘅茶餐廳好，我地次次去都會食非洲雞扒飯同牛扒餐。 Set Lunch嘅價錢有湯有飲品，同其他餐廳比唔係差好遠，但晚餐散叫我就覺得唔抵食。 到訪次數：10+次 地址：8291 Alexandra Rd, Richmond, BC V6X 3K7 #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 130. MACU Tea - Kerrisdale 溫哥華得返一間Macu Tea, 佢個楊枝甘露真係世一！雖然其他飲品店都有楊枝甘露，但唔知點解都係Macu Tea嘅最好飲。 有芒果沙冰係面，下面有芒果肉，柚子肉，茶味啫喱同椰奶，真係好似食緊楊枝甘露咁！ 今次細佬叫咗杯BoBo Mango Smoothie, 點知飲極都冇BoBo, 應該係落漏咗🫢 到訪次數：10+次 地址：5971 West Blvd, Vancouver, BC V6M 3X1 #加拿大 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 129. Wasuta Pasta 好耐冇食過嘅日式Pasta, 以前唔使等位，而家多咗人識好好生意啊！ Pasta都係一如以往嘅好食🤭Scallop Uni Cream Pasta 每次都會點，Tomato Cream都好食！Pasta 上面有紫菜碎同紫蘇葉絲，我覺得幾特別。 今次試咗明太子Carbonara, 味道可以但我覺得唔似Carbonara. Hojicha Tiramisu 好有驚喜，茶味好濃+cream cheese好夾，好好食！ 到訪次數：6+次 地址：7080 River Rd #202, Richmond, BC V6X 1X5 #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 128. Max Noodle House 麥奀記 係加拿大食雲吞麵嘅次數可能真係少過五次！ 上星期六同屋企人食lunch, 佢話想食麥奀記嘅雲吞麵同南乳炆豬手。雲吞水餃都足料，但碗麵真係好細😂 豬手係炆得好淋，鯪魚球真係魚肉打出嚟，因為食到幾條魚骨，好重陳皮味。 到訪次數：4次 地址：8291 Alexandra Rd, Richmond, BC V6X 1E5 #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 127. Golden Spring Restaurant 麥田海鮮中菜館 呢間中餐館食過幾次都覺得唔錯。特別係佢個糯米鍋燒雞，真心推介！脆皮雞下面係糯米飯，仲有一層脆粉，食落口感好豐富。 其他餸都唔錯，南乳蓮藕呢味餸好耐都冇食過，套餐有好多選擇，一班人食飯呢間餐廳係唔錯嘅選擇。 不過煲仔飯係幾失望嘅，個煲好大，好多飯但好少餸，而且上到枱啲餸同飯係分開嘅😅完全唔似食緊煲仔飯。 到訪次數：4次 地址：2461 Nanaimo St, Vancouver, BC V5N 5E5 #加拿大 #溫哥華美食#不專業分享

🇨🇦溫哥華🇨🇦 《每日分享一間餐廳直到冇貨為止》 126. Soi ram 好似未介紹過Delta嗰邊嘅餐廳，其實Ladner/ Tsawwassen嗰邊都有好多好嘢🤭 Soi ram係我地好鐘意嘅泰菜，dinner嘅選擇比lunch多。前菜嘅炸雞好食，木瓜沙律有啲辣但都唔錯。 所有炒嘢都好有水準，特別鐘意佢個muu krob pad ka na, 即係港式燒肉炒芥蘭咁😆 Pad See ew都好特別，可以揀Cyrstal Noodels, 隻麵好煙韌。 如果晚飯時間去，最好book定位。 到訪次數：8+次 地址：4811 Delta St, Delta, BC V4K 2T7 #加拿大 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 125. Bread Culture 一間好細間但pastry做得好好嘅Cafe, 見Google 4.9分又好想試。 試咗佢嘅Original Crossiant, Hazelnut Chocolate Croissant同Mushroom Cheddar Cheese Bread. 我鐘意個Mushroom Bread好香菇味，啲芝士係麵包上面焗到好脆，係中間嘅芝士就拉絲！ Croissant好酥脆，牛油味都好重，但唔會好油膩。 下次經過會再去呀！ 到訪次數：1次 地址：5525 Dunbar St, Vancouver, BC V6N 1W5 #加拿大 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 124. Lotus Restaurant 之前成日都會去嘅越南餐廳，隔咗大半年冇去，上星期去完，覺得味道冇之前咁好，份量亦都細咗好多。 春卷，雞翼炸得都脆，味道幾好，五個小朋友食咗兩碟雞翼！ 香茅豬扒都入味，煎得好香，但份量比起其他越南餐廳都細塊。 經過可以去食下，但唔使特登去😅 到訪次數：8+次 地址：4131 No 5 Rd, Richmond, BC V6X 2T9 #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 123. Café Gloucester 告羅士打餐廳 好耐之前去過Vancouver嗰間，不過冇咩印象，見開咗嚟Richmond就去試下。Threads友話服務賓至如歸，我已經有心理準備🙃 果然落單嘅時候因為諗緊紅湯定白湯，答遲咗1-2秒已經比人Hello我😂 忌廉湯係室溫，唔熱嘅，反映咗一下，店員話其他客人都飲緊無人話有問題，但如果我地真係覺得唔夠熱，可以幫我整熱。我諗應該係攞咗去叮？攞返出嚟碗湯係微暖。 叫咗咖喱吉列豬扒飯，乾炒牛河同焗豬扒飯。 食物普通，乾炒牛河比較淡味，焗豬扒飯嘅豬扒偏薄身，飯唔夠乾身，味道正常。 到訪次數：1次 地址：8631 Alexandra Rd #120, Richmond, BC V6X 1C3 #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 122. The Seoulful 想試好耐嘅韓式麵包！ 係海鹽麵包入面夾住唔同口味嘅cream! Earl Grey好香茶味但Cream太多，有啲漏。Dubai Chocolate好好味呀，入面好多脆絲，好似真係食緊成排Dubai Chocolate咁😆 仲即刻食咗佢新鮮出爐嘅Garlic Cream Cheese, 麵包蒜香味加蜜糖甜甜地，又加埋Cream Cheese鹹鹹地，完全係我鐘意食嘅嘢！ 早排去韓國食過一個一樣味嘅包，不過餡係Cheese, 而家係溫哥華搵到代替品，好開心🤭 聽朋友講佢嘅Kimbab 都好食，下次有機會試埋！ 到訪次數：1次 地址：4940 Number 3 Rd Unit 125, Richmond, BC V6X 2C7 #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 121. Diplomat Bakery Steveston Village area嘅Cafe! 食得最多係佢嘅Red Velvet同Chocolate Cake. 同日式嘅空氣感蛋糕唔一樣，呢間蛋糕嘅水份比較多，食落重身啲。最近食咗個Ube Coconut Cheesecake, 好重香芋味，入面真係有一粒粒芋頭，餅底就好香牛油味。 食過蛋糕，Donuts, Cookies, 我覺得唔算甜得好誇張，但佢係我介紹過嘅蛋糕店入面算比較甜嘅一間。 到訪次數：8+次 地址：6168 London Rd #105, Richmond, BC V7E 0C1 P #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 120. R Ki Dessert 蛋糕最細有2.5吋，可以一次過試唔同味。蛋糕做得唔錯嘅，最鐘意佢個Taro Birthday Cake. 不過就偏貴，2.5吋$13, 8吋最平$95. 到訪次數：3次 地址：4811 Hazelbridge Wy Unit 180, Richmond, BC V6X 3K7 #加拿大 #列治文 #溫哥華美食 #不專業分享