🇨🇦溫哥華🇨🇦 《每日分享一間餐廳直到冇貨為止》 119. Ipoh Malay Cuisine 怡堡馬來美食 好正宗嘅馬來西亞餐廳！ 嚟過幾次都有order個醬汁魚，個汁好惹味，魚肉好滑，大大條四十幾蚊都抵食！ 啲蜆好大隻，隻隻都脹卜卜。蝦醬通菜好香，Taro King炸芋頭好脆+甜甜地豬扒好特別！ 樣樣餸都整得好食🤭 到訪次數：3次 地址：1316 W 73rd Ave, Vancouver, BC V6P 4M9 #加拿大 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 118. Cai’s Chinese Cuisine Richmond 老蔡食府 列治文 係西溫嘅老蔡開咗嚟Richmond, 終於搵到機會試。我地本身鐘意食北方麵條同餃子，又鐘意食辣嘢，所以覺得樣樣嘢都好食呀！ 前菜叫咗薯仔絲，牛柏葉，皮蛋豆腐，雖然好多樣嘢都係辣辣地，但個味係好唔同，有啲係香辣，有啲係孜然味嘅辣，我唔算食得好辣都接受到。 牛腩湯麵有驚喜，牛腩好淋，自家製手工闊麵好好食，好煙韌！ 餃子同生煎包我覺得唔夠多汁，但味道都可以。 仲有好多嘢想試，會再去！ 到訪次數：1次 地址：13986 Cambie Rd. Unit 213, Richmond, BC V6V 2K3 #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 117. Hazukido Cafe Plus 以前係香港好鐘意食八月堂嘅牛角包，係Aberdeen Centre呢間有埋熟食。 Uni Cream Pasta同親子丼都okay, 味道中規中矩，二十幾蚊一個主食+前菜，價錢都可接受。牛角包同咖啡都唔錯！ 到訪次數：5次 地址：G/F of, Aberdeen Centre, 4151 Hazelbridge Wy #1008, Richmond, BC V6X 4J7 #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 116. Baking Factory 新開無耐由台灣人主理嘅Baking Fatory係我最近幫襯得最多嘅麵包店！ 小朋友最鐘意食佢嘅北海道牛奶包同方包。試過好多唔同口味嘅麵包都好食，有香芋麻糬包/杜拜朱古力包/芝士火腿吐司都覺得唔錯！ 蛋糕都有驚喜，楊枝甘露蛋糕入面有芒果同西柚，玫瑰荔枝有係好多荔枝肉，最好食係青提+ Jasmine latte, 中間有朱古力脆脆同茶味奶凍！ 由於每款麵包都係售完即止，加上出爐時間唔一樣，所以唔係每次都買到想食嘅款式。 麵包店係Cafe形式，除咗麵包蛋糕，都有咖啡，可以堂食，不過我暫時未試過。 到訪次數：8+次 地址：8231 Cambie Rd. #115, Richmond, BC V6X 1J8 #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 115. UNCLE 老舅 係Steveston新開專賣潮汕牛丸嘅餐廳，可能因為新開，平日12pm去到已經要排隊。 餐廳menu得四款丸+一款小食。 我地叫咗牛丸，魚蛋河粉同小食。 丸其實係幾好食，好彈牙而且juicy! 小朋友好鐘意牛丸所以我都買咗包急凍嘅返屋企。 但河粉略嫌太厚同唔滑，湯底都偏淡。 老舅小食就係蒸米漿上面加咗自家製菜脯，我幾鐘意☺️ 留意營業時間平日係10-4pm, weekend先開到8pm. 到訪次數：1次 地址：3480 Moncton St, Richmond, BC V7E 3A2 #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 114. 山也SAVORHILL 嗰日食完Peaches, 見到對面呢間鋪幾特別就行入去。聞說係好受歡迎，只能預定嘅小貝。 我好鐘意肉鬆，所以買咗蟹黃肉鬆，紫菜肉鬆同原味試下，三個味食落都好似。 其實就係好鬆軟嘅蛋糕中間夾住啲醬，外面再有層肉鬆咁。 食咗半個已經好膩，試過就好了😅 到訪次數：1次 地址：8611 Alexandra Rd Unit 160, Richmond, BC V6X 1C3 #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 113. SunTea 新作の茶 呢排Richmond 新開咗好多bubble tea, 全部都要排隊，所以走咗去唔使等嘅SunTea, 發現咗原來佢個楊枝甘露幾好飲！ 老公之前飲開Macu嘅楊枝甘露，估唔到搵到個平替。 我自己就鐘意佢嘅麻糬。嗰日唔想飲奶茶叫咗杯coconut latte走糖，加咗麻糬同白玉又幾特別，幾好飲😆 到訪次數：5+次 地址：8211 Ackroyd Rd #140, Richmond, BC V6X 3K1 #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 112. Chez Céline 終於食到Chez Céline, 果然係冇失望嘅！餐廳氣氛好熱鬧，背景音樂好大聲，傾偈要大聲少少先聽到😅 Appies方面，Scallop配個sauce加一小塊檸檬好鮮味，我鐘意Escargot個Garlic bread, 真係好重蒜蓉味🤭 Foie Gras Sando都好好食，Foie Gras + Jam + Brioche 成件事啱啱好！ 最有驚喜係個Raviolo, 一切開有流心蛋黃🤩上面仲有好多蟹肉，入面波菜，加埋個汁好好食！！ 魚+青口都okay, 係比較普通。 甜品我地叫咗佢推薦嘅Maple Crème Carmel, 覺得麻麻地，加多個雪糕一齊食都真係太甜！ Overall 係好食嘅，一定會再去！ 到訪次數：1次 地址：4298 Fraser St, Vancouver, BC V5V 4G2 #加拿大 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 111. 御牛堂 Uno Beef Noodle (Blundell Rd) 之前係threads見到有人推薦Uno Beef 嘅牛肉麵，一直都好想試。叫咗佢個半筋半肉麵，最好係佢個湯底濃得嚟但唔辣，小朋友好都啱食，鹽酥雞同甜不辣都好食。 下次想食台灣嘢都會再去！ 到訪次數：2次 地址：8180 No 2 Rd #128, Richmond, BC V7C 5K1 #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 110. Yudi Patisserie 係Alexandra Road嘅日式蛋糕店，佢嘅戚風蛋糕做得好好食，加埋個打得好輕嘅cream, 完全唔覺得漏。Matcha, Hojicha, 開心果都好食。我通常係instagram落單，試過前一日落單蛋糕都齊款。 到訪次數：8+次 地址：8580 Alexandra Rd #1195, Richmond, BC V6X 4B3 #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 109. Daily Delicious Bakery 呢間因為係Richmond, 又肯接急單，蛋糕個樣又幾靚仲要唔貴！所以最近成日訂。我最鐘意Taro, Yam and Mochi Cake, 好足料，有好大舊Mochi🤭 不過最好即日食晒，如果唔係舊Mochi 會變硬。 呢間仲有麵包賣，試過幾款海鹽包同麻糬包都好鬆軟。 到訪次數：8+次 地址：2811 Number 3 Rd #110, Richmond, BC V6X 2B2 #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 108. Kove Kitchen 成日係Steveston出沒嘅我竟然上星期先第一次去呢間餐廳！ 環境好舒服呀，食物都可以，Seafood Chowder好creamy, Truffle Fries好食！ 天氣唔凍坐patio應該好正🤭 到訪次數：1次 地址：3900 Bayview St, Richmond, BC V7E 0A4 #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 107. Adam’s Crepes 有鹹有甜嘅Crepes, 好多選擇，亦都可以build your own. 個皮係即整，整得好薄，有少少脆。 我地食咗Nutella +香蕉+ Vanilla Ice Cream, 好好食！朋友都推薦食鹹嘅Crepe, 下次要試下！ 到訪次數：1次 地址：5217 Rumble St, Burnaby, BC V5G 2E7 #加拿大 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 106. One Cake Boutique 呢間應該係其中一間食得最多嘅蛋糕店，好多朋友都會係呢間度訂生日蛋糕。 Cream滑，Sponge Cake都鬆軟, 推薦Lychee Rose, 真係有一舊舊荔枝肉！ 到訪次數：10+次 地址：8368 Capstan Wy #1313, Richmond, BC V6X 4B6 #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 105. Gaya Korean Restaurant 有一晚係附近整完啲嘢經過見到有間韓國嘢就行咗入去食😂細細間但有驚喜喎，Japchae炒得好食，炸雞都唔錯呀，而且好大份！我地叫咗原味同Honey Garlic, 兩個味都好食！ 下次去開附近一定會再食！ 到訪次數：1次 地址：5240 Rumble St, Burnaby, BC V5J 2B6 #加拿大 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 104. 修 SYU Japanese Cuisine & Sushi Bar 係Richmond Oval附近嘅日本餐廳，lunch set好抵食，Tempura有魚有蝦，有兩個好細嘅前菜，幾好食！ 反而Dinner熟食冇咩選擇，有次去到話冇師傅，連Sushi Roll都冇得叫🥲 我覺得overall係唔錯嘅但水準唔太穩定，去過幾次但次次都有啲嘢唔同味。有興趣試的話，Lunch去食抵食好多！ 到訪次數：6次 地址：6628 River Rd #175, Richmond, BC V6X 1X5 #加拿大 #列治文 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 103. Nook Kitsilano 係Kitsilano嘅意大利餐廳，Pizza, Pasta都係housemade. Bolonese我覺得還好，比較鐘意個Rigatoni, creamy得嚟又唔會好滯。 Tiramisu就好重酒味，我個人覺得一般。 到訪次數：1次 地址：1525 Yew St, Vancouver, BC V6K 3E5 #加拿大 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 102. Salty Sugar Patisserie 最愛嘅蛋糕店之一🤩 試過好多款佢地嘅蛋糕，全部都好食！ 茶味蛋糕真係無得輸！ 最愛Jasmine Macchiato 同Genmaicha Maze. Jasmine Macchiato 上面層奶蓋真係好好食，配埋蛋糕入面嘅Jasmine Jelly, 好清新！ Genmaicha上面有啲鹹鹹地嘅米脆，再加埋Brown Sugar Jelly, 我好鐘意呢種口味🤭 到訪次數：8+次 地址：6947 Victoria Dr, Vancouver, BC V5P 3Y7 #加拿大 #溫哥華美食 #不專業分享

🇨🇦溫哥華🇨🇦 《每日分享一間餐廳直到冇貨為止》 101. 龍鳳打邊爐 Loon Fong Hotpot 因為親戚book到位所以唔使等，5:15pm去到已經滿座再加目測至少40人等緊位，好誇張！ 未去之前都驚好伏，始終唔係香港人開但又玩香港情懷🙊 平心而論，個花膠雞湯係好味嘅，大人細路都鐘意。食物價錢比我預期合理同埋足料。鵪鶉蛋$4.8有二十幾粒😆牛肉不同部位一碟$9.8-$28.8, 質素可以，我覺得okay. 缺點係張枱真係好細，唔知係咪要營造香港大排檔氣氛。我地6個大人+3個小朋友，張枱擺咗個爐同碗筷之後已經無位再擺食物，唯有擺餐車，但攞嘢食就唔係好方便。 到訪次數：1次 地址：4540 Number 3 Rd #1200, Richmond, BC V6X 3V7 #加拿大 #列治文 #溫哥華美食 #不專業分享 #自費無廣

🇨🇦溫哥華🇨🇦 《每日分享一間餐廳直到冇貨為止》 100. J Squared Ice Cream 第100間餐廳送比我最近好鐘意嘅雪糕店😆 朋友買過Pint嚟我屋企之後就愛上咗🤭 大推Oolong Milk Tea同Dirty Oreo! Cereal Milk同Black Sesame 都好食！仲有好多味想試呀！ 到訪次數：5次 地址：9100 Blundell Rd #405, Richmond, BC V6Y 3X9 #加拿大 #列治文 #溫哥華美食 #不專業分享